Зелените робинки од Орион веќе не се привилегија на Кирк
Денис Хоф, бизнисмен од Невада и водител на документарната серија на HBO „ Cathouse “, се спрема да отвори бордел со НФ тематика. Борделот ќе го носи името „ Alien Cathouse“, а како слогани неговиот сопственик ги користи: „ Sex From Another Planet “, „ Alien Cathouse Girls Do It Different “ и „ Girls From Another World “. Ако некој од вас си замислувал односи било со споменатите девојки од насловот (види фотос), било со Вулканка, Клингонка, некоја придружничка на Џаба (се надевам не Џаба), Небари, Делвијанка... само треба да отиде до Лас Вегас, и на 90 километри од таму да си ги исполни своите соништа. Интересно е ако и Борг се ставени во игра, не само поради изгледот, туку и заради тоа што зборот „борг“ се однесува на колектив. Уште поинтересно е што не се сите раси хуманоидни, ама во овој момент престанувам со пишување.