Сај-Фај

Денеска осамна вест: CBS веќе продуцира нови Ѕвездени Патеки. Новата серија ќе почне да се емитува во јануари 2017.

Филмов е  легендарно глуп. Нема да пишувам за детали на овој филм кои веќе на долго и широко се расправени на многу форуми ширум Мрежата. Ќе се трудам да го гледам како засебен филм, игнорирајќи сè што знам за Star Trek. Џ.Џ. вели дека ова е ресет на франшизата, па ќе се однесувам и јас така. Предупредувам исто  дека има spoilers во продолжението од текстот . Филмот се вика Star Trek Into Darkness. Кај нас преведено, Ѕвездени Патеки во Мрак. Се гледа јасно зошто служат две точки, но да не се фаќаме за семантика. Битно, од насловот заклучуваме дека настаните се случуваа во вселената, има некое патување, и дека ќе биде многу мрачно. Филмот од 2009 веќе ја воспостави Обединетата Федерација на Планети, па знаеме дека тоа е федерација од повеќе планети, разни цивилизации, со центар на Земјата. Исто така, станува збор за една од поголемите сили во квадрантот. Глупава споредба, но еден вид САД во вселенски рамки. Значи, Ѕвездената Флота треба да има многу бродови, а Земјата ...

Во општ недостиг на идеи, Холивуд во последните години се заврте кон „возобнување“ на класиците. Ова и не е лоша идеја, треба да се доближат некои филмови и кон помладата популација, но она што многу често недостасува е квалитет. Стар Трек за жал не беше одминат од овој тренд. После фијаското со име „Ентерпрајз“, многу фанови како мене го делеа мислењето дека веќе Стар Трек треба, колку-толку достоинствено да си замине во пензија. Кирк, со една од првите Нокии на пазарот „Ентерпрајз“ и не беше така лоша серија, според мене всушност дното беше достигнато со бледиот, безличен, и ужасно напишан „Војаџер“. Но, „Ентерпрајз“ покажа дека во Стар Трек универзумот едноставно веќе нема што да се каже, па мораа да се преиначат многу работи од основниот lore за оваа серија да проработи. Сѐ ќе беше и одлично да не завршеше така како што заврши. Да беше тука крајот, трагедијата ќе беше помала. Но, Џ.Џ. Абрамс влезе на сцена, и покажа еден добро украсен среден прст (да не се изразам инак...

Научната Фантастика на малите екрани знае да изненади со својот квалитет, а знае (многу почесто, за жал) и целосно да разочара, па дури и да изнервира. Ова важи за секој медиум всушност, а верувам и за секој жанр. Теодор Стурџон ( Theodore Sturgeon ), американски писател на НФ, во 1958 година ја поставува својата законитост, или повеќе своето откровение, кога накракто вели: „90% од научната фантастика е ѓубре, но истото така и 90% од сè е ѓубре“. Овдека се излистани достигнувањата на западната научна фантастика наменета за малите екрани, кои според мене спаѓаат во десетте проценти. Оние што се изоставени или не сум ги гледал сеуште (да, постојат и такви), или не вредат да бидат споменати. 1. Babylon 5 Babylon 5 е далеку најдоброто остварување во играните ТВ-Серии. Станува збор за првата целосно скриптирана НФ серија, дело на Џозеф Мајкл Страцински . Имено, приказната била напишана пред снимањето, па сите заплети, ликови, и помали и поголеми случки се одлично вклопени во целокупното ...