Сај-Фај

Москва, во иднина во која е нормално да сретнете мачка-робот во метро. Човек носи пакет замотан како поклон во куќа на друг, но се испоставува дека пакетот е далеку од обичен. Краток филм со убави цени, интересен поглед на иднината, и анимирана бркотница меѓу полициски Лади и робот на футуристички мотор. Дефинитвно вреди да се погледне!

Уште еден краток филм од независна продукција. Се работи за спој на научна фантастика, хумор, и блага еротика. Девојка купува робот-секс играчка, кој мора самата да го склопи. Склопувањето и не е проблем, проблемот се јавува одкако одреден дел од нејзината нова играчка ја губи својата функција после неполн час...

Ruin е краток анимиран филм чие дејство е сместено во зелена пост-апокалиптична средина, во која наноботите очигледно имаат голем удел во животот на главниот лик. Освен хипер-реалистичната анимација, во филмот се насетува и некоја поголема приказна, а режисерот Вес Бол (Wes Ball) ни ветува и продолжение. RUIN from OddBall Animation on Vimeo .

Во изминатите неколку месеци, додека се заговараа SOPA, PIPA, а сега и ACTA од страна на големите продуцентск и куќи, и посебно кога полека ги однемува сајтовите кои нудеа бесплатен пристап до сета култура на планетава (сајтови од типот на Megaupload и Btjunkie), copyright -от станува симбол за опресија за сите нас што сметаме дека информациите, знаењето, и културате тре ба слободно да течат помеѓу сите корисници на интернетот. Она нешто што поодамна било измислено со цел да ги штити создавачите, сега е извитоперено во оружје за собирање што поголем профит. Затоа, од особена ва жност е што постои еден ваков проект. Lunatics е, како и што стои во насловот, анимирана веб серија која цели значително да придонесе на free culture движењето. Веб серијата се анимира во Blender , бесплатниот софтвер за 3D анимација. Приказната ќе се врти околу првите колонисти на Месечината, и предизвиците со кои ќе мора да се соочат за да го подготват сателитот да биде попогоден за следните генерации кои ќе ...

Еве еден прекрасно направен краток филм кој вреди да се погледне. Дејствието во „ Rosa “ се случува во пост-апокалиптичен свет во кој целата природа е изумрена. Во рушевините се буди Роза , киборг дел од проектот Кернел , последниот обид на човештвото да го врати земјиниот екосистем. Наскоро Роза ќе сфати дека не е единствното разбудено „суштество“, и мора да се бори за да преживее. Краткиот филм е дело на млад стрип-уметник Jesús Orellana, и е направено без буџет за само една година. Својата светска премиера ја имаше на Меѓународниот Филмски фестивал во Сиетл, а потоа филмот заврте и по други светски фестивали како Screamfest, Toronto After Dark, Anima Mundi .... Со еден збор, филмот привлече многу внимание, па во план е и да се направи долгометражна верзија. Уживајте во наредните неколку минути. ROSA from Jesús Orellana on Vimeo .

Sci-Fi, Bollywood style Сигурно и кај вас будат воодушевување и трепет во срцето сериите „Малата Невеста“, и „Бандини“? И сте помислиле: „уште НФ серија/филм од индијците, и животот ќе ми е исполнен“. Епа, voila, вака изгледа еден индиски НФ филм, наречен Ra.One: Уште читате? Целото име му е Random Access–Version 1.0, и се работи за суперхеројски филм. Статијата на Wikipedia за овој филм спаѓа во категоријата tl:dr (to long, didn't read), но она што ми падна во очи е цифрата од 39 милони долари за буџетот на филмот, од кои 11,6 милиони долари потрошени за промоција, како и фактот дека е конвертиран за 3D. Ни заработката (37,91 милиони) не му е мала, која е поголема од онаа на Battlefield Earth со Џон траволта, Бери Пепер, Форест Витакер... И навистина не може да е полош Ra.One од Battlefield Earth , затоа си го ставам на листата за „филмови за гледање после колоквиумска“.

Технички, Шерлок Холмс не е НФ. Првата адаптација на Гај Ричи насилно уфрли steam punk елементи за да биде кул. Сер Артур Конан Дојл од друга страна е еден од татковците на НФ, и не заслужува вакво силување на неговата најголема креација. Што се гледа од трејлерот? Акција, експлозии, и Шерлок Холмс преоблечен како жена. Браво. Немам ништо против трансверстити, ама претпоставувам дека Холмс е облечен како жена од други причини. И доволно е интелигентен да забележи дека нема да му успее маската. Но, нејсе. Очигледно е дека овој филм е правен за луѓето кои не прочитале ниедна книга со Шерлок Холмс, и тие луѓе и натаму ќе зборат како е „добро претставен“. Уживајте тогаш и очекувајте го Jackie Chan: An Explosion of Fights. За мене и понатаму најдобра интерпретација на Шерлок Холмс на ТВ останува доктор Хаус.